Il-koordinatur tal-proġett RESCUR LLP, Prof. Carmel Cefai, kien mistieden biex jippreżenta studju akkademiku mill-proġett RESCUR fil-Konferenza Internazzjonali ‘Valorisation: Key Methodology to Successful Competence Based Learning’ li saret f’Istanbul, fit-Turkija mis-16 sat-18 ta’ Ottubru 2014. Il-Konferenza kienet organizzata bħala parti mill-proġett internazzjonali KEYS, implimentata bl-appoġġ tal-EC permezz tal-LLP (539,401-LLP-1-2013-1-BG-COMENIUS-CAM). L-għan tal-proġett Keys hu l-valorizzazzjoni u t-tixrid ta’ riżultati ta’ proġetti li ntemmu b’suċċess kif ukoll inizjattivi li jindirizzaw l-akkwist ta’ kompetenzi ewlenin. L-istudju akkademiku ta’ Prof Cefai, ‘RESCUR Promoting Resilience in Early Years & Primary Schools in Europe’, jiddeskrivi l-kurrikulu dwar ir-reżiljenza żviluppata mill-konsorzju, li tinkludi l-prinċipji, l-istruttura, it-temi, u l-attivitajiet. Studju akkademiku, ‘Competencies for thriving and surviving: A resilience curriculum for Early Years and Primary Schools in Europe’, qed jiġi ppubblikat bħala parti mill-proċeduri tal-konferenza.
Il-proġett RESCUR fil-Konferenza Internazzjonali ‘Valorisation’